काठमाडौँ, बंगलादेशमा जारी साफ यू–२० महिला च्याम्पियनसिप फुटबलको फाइनलमा बिहीबार हुँदैछ ।
बिहीबार नेपालले आयोजक बंगलादेशको सामना गर्ने छ ।
समूहको अन्तिम खेलमा मंगलबार भुटानलाई ५–० ले हराउँदै बंगलादेशले नेपालविरुद्धको उपाधि भिडन्त तय गरेको हो ।
मंगलबार नै भएको पहिलो खेलमा भारतलाई ३–१ ले हराउँदै नेपालले फाइनलमा स्थान बनाएको थियो ।
चार टोली सहभागी साफ यू–२० महिला च्याम्पियनसिप फुटबलको समूह चरण राउण्ड रोबिन लिगको आधारमा खेलाइएको थियो ।
३ खेलबाट ७ अंक जोड्दै बंगलादेश समूह विजेता बन्यो भने ६ अंक जोडेको नेपाल दोस्रो भएको छ ।
