काठमाडौ, सुनको मूल्य बुधबार फेरि बढेको छ।
नेपाल सुनचाँदी व्यवसायी महासंघका अनुसार सुन तोलामा दुई सय रुपैयाँका दरले मूल्य बढेको हो।
योसँगै आज छापावाल सुन १ लाख ४ हजार ८ सय र तेजाबी सुन १ लाख ४ हजार ३ सय रुपैयाँमा कारोबार भएको छ।
चाँदी भने ५ रुपैयाँ सस्तो भएको छ। योसँगै आज चाँदी प्रतितोला १ हजार ३ सय १५ रुपैयाँमा कारोबार भएको छ।
अघिल्लो दिन छापावाल सुन १ लाख ४ हजार ६ सय, तेजाबी सुन १ लाख ४ हजार १ सय र चाँदी १ हजार ३ सय २० रुपैयाँमा कारोबार भएको थियो।
