सिन्धुपाल्चोक, सिन्धुपाल्चोकको भोटेकोशी नदीमा खसेको गाडी नेपाल प्रहरी, सशस्त्र प्रहरी र नेपाली सेनाको टोलीले बाहिर निकालेको छ ।
शुक्रबार दिउँसो बाह्रबीसे नगरपालिका–६ स्थित भोटेकोशी नदीमा खसेको बा२०च २१८५ नम्बरको बोलेरो गाडी साँझ नदीबाट निकालिएको हो ।
सुरक्षा टोलीले क्रेनको सहायताले उक्त बोलेरो नदीबाट बाहिर निकालेको हो । उक्त बोलेरोमा कति यात्रु थिए र कहाँबाट कता जान लागेको थियो भन्नेबारे खुल्न सकेको छैन ।
गाडीको कागजपत्र भेटिए पनि चालकलगायत यात्रुको अवस्था अज्ञात रहेको छ ।
