हेटौंडा, बागमती प्रदेशका मुख्यमन्त्री बहादुरसिंह लामाले आज पदबाट राजीनामा दिँदैछन् ।
लामाले आइतबार बिहान हेटौँडा पुगेर राजीनामा दिने भएका हुन् ।
मुख्यमन्त्री लामाले प्रस्तावअनुसार आफूले १४ साउनमा नियुक्त गरेका तीन जना मन्त्रीलाई सपथ गराउनु पर्ने र लामा पक्षसँगको सहमतिमा सरकार सञ्चालन गर्नुपर्ने प्रस्ताव गरेका थिए ।
उक्त प्रस्तावमा सहमति भएपछि उनी राजीनामा दिन तयार भएको हुन् । लामाले राजीनामा दिएसँगै बागमतीको नयाँ मुख्यमन्त्री इन्द्र बानियाँ हुनेछन् ।
त्यसो त बानियाँको नेतृत्वमा मुख्यमन्त्री लामामाथि अविस्वास पैदा गरेर संसदीय दलको नेताबाट हटाइएको थियो ।
संसदीय दलको नेताबाट हटे पनि आफू राजीनामा दिने पक्षमा नरहेको अडानमा लामा रहेका थिए ।
तर, सभापति शेरबहादुर देउवासँग भेटघाटपछि लामाले सहमतिका आधारमा राजीनामा दिन तयार भएका हुन् ।
