एजेन्सी, सिरिया र इजरायलबीच युद्धविरामको सहमति भएको टर्कीका लागि अमेरिकी राजदूत टम ब्यारेकले घोषणा गरेका छन्।
यो पहललाई टर्की, जोर्डनलगायत छिमेकी मुलुकले स्वागत गरेका छन्। ब्यारेकले ड्रुज, बेडुइन, सुन्नी समुदायलाई एकतामा आउन आह्वान गरेका छन्।
युद्धविरामको घोषणा भएपनि इजरायल र सिरियाली सरकारको औपचारिक प्रतिक्रिया आएको छैन।
केही दिनअघि इजरायलले सिरियाको डामास्कसमा हवाई आक्रमण गर्दै सरकारी भवनहरूलाई लक्षित गरेको थियो, जसमा तीनजनाको मृत्यु भएको थियो।
सिरियाली राष्ट्रपति अहमद अल/शरले स्वैदा क्षेत्रबाट सेना फिर्ता हुन थालेको जानकारी दिएका छन्।
उनले इजरायलमाथि देशलाई विभाजन गर्ने प्रयास गरेको आरोप समेत लगाएका छन्।
अमेरिकाले यस क्षेत्रमा बढ्दो तनावप्रति चिन्ता व्यक्त गर्दै कूटनीतिक प्रयास तीव्र बनाएको जनाएको छ।
