काठमाण्डू, केपी ओली कप फुटबल प्रतियोगितामा आर्मीलाई हराउँदै मछिन्द्रले लगातार तेस्रो पटक उपाधि जितेको छ।
दशरथ रङ्गशालामा सोमबार भएको फाइनलमा त्रिभुवन आर्मी क्लब २–० लाई गोलअन्तरले पराजित गर्दै मछिन्द्रले उपाधिमा ह्याट्रिक गरेको हो ।
पहिलो संस्करणको फाइनलमा सातदोबाटो युथ क्लब तथा दोस्रो संस्करणको फाइनलमा एनआरटी क्लबलाई टाइब्रेकरमा हराएर मछिन्द्रले उपाधि जितेको थियो ।
मछिन्द्रको जितमा स्टेफेन जमाह जालेले १ गोल गर्दा एक गोल आत्मघाती भएको थियो । २९औं मिनेटमा विमल पाण्डेबाट आत्मघाती गोल हुँदा मछिन्द्रले अग्रता लिएको थियो ।
दोस्रो हाफमा युसुफ मलिकको क्रसमा जमहा जालेले अग्रता दोब्बर पारे । त्यसपछि थप गोल भएनन् र मछिन्द्र तेस्रो पटक पनि उपाधि चुम्न सफल भयो ।
यसअघि सेमिफाइनलमा मछिन्द्रले आयोजक केपी ओली एफसीलाई ४–० र आर्मी सङ्कटा क्लबलाई २–१ ले पराजित गर्दै फाइनल यात्रा तय गरेको थियो ।
उपाधि जितेको मछिन्द्रले १५ लाख ११ हजार एक सय ११ प्राप्त गरेको छ । फाइनलमा पराजित भएको आर्मीले ५ लाखमा चित्त बुझायो ।
राष्ट्रिय युवा सङ्घ नेपालको आयोजनामा भएको प्रतियोगितामा दुई विदेशीसहित ९ टोली सहभागी थिए ।
