काठमाण्डू, दोलखाका पर्यटकीय क्षेत्रहरुको प्रचार प्रसार तथा पर्यटन प्रर्वधनका लागि सरोकारवाला संघ संस्था, पयटन ब्यावसायी एवम स्थानीय तहको भूमिका बिषयक अन्तरकृया कार्यक्रम सम्पन्न भएको छ ।
अन्तरकृया कार्यक्रममा प्रमुख अतिथि नेपाल पर्यटन बोर्डका वरिष्ठ निर्देशक हिक्तसिंह ऐरले दोलखाको पर्यटन प्रर्वधन गर्न बोर्डले सधैं सहयोग गर्ने बताए ।
उनले दोलखा पोखरापछिको आर्कषित पर्यटकीय गन्तब्य भएकोले ब्यावासयीले प्याकेज बनाएर प्रचार गर्नु पर्नेमा जोड दिए ।
दोलखा सगरमाथा जाने प्रवेशद्वार भएकोले भारतसहितका देशमा बोर्डले प्रचारको तयारी गरेको जानकारी दिंदै वरिष्ठ निर्देशक ऐरले जीरी लगायतका क्षेत्रलाई पदमार्गका रुपमा विकास गर्नु पर्ने बताए ।
टानका महासचिव सोनाम ग्याजेन शेर्पाले दोलखाको प्रचार गर्न काठमाण्डू आउने परेकोमा असन्तुष्ट बन्दै दोलखाबाट काठमाण्डू आएर पर्यटन क्षेत्रमा लागेका ब्यावसायीले बेवस्ता गरेको आरोप लगाए ।
टान निजी क्षेत्र र तीनै तहका सरकारकाबीच समन्वयकारी भूमिका निभाउदै दोलखा लगायतकाक पर्यटकीय सम्भावना भएका क्षेत्रको प्रचारमाम लाग्ने महासचव शेर्पाको भनाइ थियो ।
नेपालमा पर्यटकको कमी नहुने भन्दै महासचिव शेपाले ब्यावसायीले पनि सबै पर्वतीय र धार्मिक कुन क्षेत्रमा काम गर्ने हो एउटा मात्र छानेर गर्दा राम्रो हुने धारणा राखे ।
सगरमाथ आधार शिविरमा जाने पर्यटकलाई एक दिन जिरीमा राख्ने बातावरण बनाउन टानले सहयोग गर्ने महासचिव शेपाले बताए ।
कालिञ्चोक गाउँपालिकाका अध्यक्ष अर्जुनप्रसाद शिवाकोटीले दोलखामा प्रशस्त पर्यटकीय संभावना भएका स्थान भएपनि पूर्वाधारको कमी भएकोले समस्या भएको बताए ।
अध्यक्ष शिवाकोटीले स्थानीय सरकारको बजेटले मात्र र्पूाधार निर्माणमा बजेट पर्याप्त नहुने भएकोले संघ र प्रदेश सरकारले पनि सहयोग गर्नु पर्नेमा जोड दिए ।
सगरमाथाको प्रवेशद्वार भएपनि पूर्वाधार र बिपत्तीले दोलखालाई ठगेको अध्यक्ष शिवाकोटीको भनाइ छ ।
होटल ब्यावसायी महासंघ वागमतीका अध्यक्ष दामोदर नेपालले वागमती प्रदेशका सवै जिल्ला पर्यटकीय महत्वका हिसावले कुनै कम नभएपनि प्रचार प्रसारको अभाव भएको बताए ।
पर्यटन बोर्डको सभाहलमा भएको कार्यक्रम दोलखा जिल्ला होटल तथा पर्यटन ब्यावसायी संघ र पर्यटन बोडले संयुक्त रुपमा आयोजना गरेको थियो भने दोलखाको भीमेश्वर नगरपालिकाको सहकार्य रहेको थियो ।
