काठमाण्डू, अमेरिकाको भर्जिनियामा तीन सातादेखि हराइरहेकी नेपाल नर्स ममता काफ्लेको खोजीका क्रममा उनका श्रीमान पक्राउ परेका छन् ।
काभ्रेको पनौतीकी २८ वर्षीया ममता काफ्ले त्यहीको मनासस भन्ने स्थानबाट हराएकी थिइन ।
प्रहरीले ममताको खोजीका क्रममा घरमा खानतलासीपछि श्रीमान नरेश भट्टलाई नियन्त्रणमा लिएको स्थानीय संचारमाध्यमले जनाएका छन् ।
यद्यपि अनुसन्धान जारी रहने भन्दै प्रहरीले यसबारे थप जानकारी दिएको छैन । यसअघि प्रहरीले अनुसन्धानमा श्रीमान नरेशले सहयोग नगरेको बताएको थियो ।
यो घटनालाई अहिले भर्जिनियाको प्रहरी र अमेरिकाका संचारमाध्यमले निकै चासो दिएका छन् ।
साउन १६ गते, ममता घरबाट निस्किएकी त्यसपछि उनी बेपत्ता भएकी छन् । ममताका पति नरेश भट्ट अमेरिकाको आर्मीमा छन् ।
पत्नी हराएको खबर उनले पाँचदिनपछि साउन २१ गते बल्ल प्रहरीलाई दिएका थिए । त्यसैले उनी शंकाको घेरामा परेका छन् ।
