काठमाडौं, ५ जना प्रहरी नायब महानिरीक्षक डीआईजीहरु अतिरिक्त महानिरीक्षक एआईजीमा बढुवा भएका छन् ।
सोमबार विहान बसेको मन्त्रीपरिषद बैठकले डीआईजी बसन्तबहादुर कुँवर, टेकप्रसाद राई, दीपक थापा, श्यामलाल ज्ञवाली र किरण बज्राचार्यलाई एआईजीमा बढुवा गरेको हो ।
गृहमन्त्रालयले गरेको सिफारिसअनुसार मन्त्रिपरिषदले निर्णय गरेको हो । यिनै पाँचजनामध्येबाट महानिरीक्षक बन्नेछन् । यही साता नयाँ महानिरीक्षक पनि टुङ्गो लाग्नेछ ।
हालका प्रहरी महानिरीक्षक धिरजप्रताप सिंहले ११ चैतबाट अनिवार्य अवकाश पाउँदैछन् । पाँचजनामध्ये महानिरीक्षकको दौठमा बसन्तबहादुर कुँवर अगाडी छन् ।
