काठमाडौैं, अप्रत्यासितरूपमा सत्ता विमुख भएपछि नेपाली कांग्रेसको केन्द्रीय कार्यसम्पादन समितिको बैठक आज बस्दैछ ।
कांग्रेससहितको गठबन्धन भत्किएपछि त्यसबारे धारणा बनाउन सभापति शेरबहादुर देउवाले कार्यसम्पादन समितिको बैठक बोलाएका हुन् ।
बैठक सभापति देउवाको निजी निवास बूढानीलकण्ठमा दिउँसो ३ बजे बस्ने मुख्यसचिव कृष्णप्रसाद पौडेलले जानकारी दिए ।
उनका अनुसार बैठकमा गठबन्धन भत्किनुका कारणसहित अन्य समसामयिक राजनीतिक विषयमा छलफल हुनेछ ।
आजको बैठकले सरकारलाई दिने समर्थनका विषयमा निर्णय लिने बताइएको छ ।
