काठमाण्डू, नेपाली कांग्रेसको केन्द्रीय कार्यसम्पादन समितिको बैठक आज बस्दैछ ।
बैठक दिउँसो १ बजे पार्टीको केन्द्रीय कार्यालय सानेपामा बस्न लागेको हो ।
बैठकमा पुस २६ देखि २९ गतेसम्म हुने १५औँ महाधिवेशनको तयारी, माघ ११ गते हुने राष्ट्रियसभा निर्वाचन र फागुन २१ गते तय गरिएको प्रतिनिधिसभा निर्वाचनलगायत विषयमा छलफल हुने पार्टीले जनाएको छ ।
बैठकमा केन्द्रीय कार्यसम्पादन समितिका पदाधिकारी तथा सदस्यहरू सहभागी हुनेछन् ।
