२०८१ जेठ ६ आइतवार | Sunday, May 19 2024

२२ औं तिलोत्तमा गोल्डकपको उपाधि मनाङलाई

बुटवल, मनाङ मर्स्याङ्दी क्लबले तिलोत्तमा गोल्डकप फुटबल प्रतियोगिताको २२औं संस्करणको उपाधि जितेको छ ।

बुटवलको एन्फा टेक्निकल सेन्टरमा शनिबार भएको फाइनल खेलमा सुदूरपश्चिमलाई ८–७ गोलले पराजित गर्दै मनाङले उपाधि हात पारेको हो । मनाङका लागि खेलको ५९ औं मिनेटमा कोफीले गोल गरेका थिए ।

१–१ गोलको बराबरीपछि टाइब्रेकरमा सुदूरपश्चिमलाई ८–७ गोल अन्तरले पराजित गर्दै च्याम्पियन बनेको मनाङले ११ लाख ११ हजार १ सय ११ रुपैयाँ प्राप्त गरेको छ ।

उपविजेता सुदूरपश्चिम–११ ले ५ लाख ५५ हजार ५ सय ५५ रुपैयाँ प्राप्त गरेको छ । सो प्रतियोगिताका सर्वोत्कृष्ट खेलाडीले एक लाख रुपैयाँसहित एक थान मोटरसाइकल पुरस्कार पाएका छन् ।

यस्तै उत्कृष्ट फरवार्ड, गोलरक्षक, मिडफिल्डर, डिफेन्स र कोचलाई जनही ३० हजार रुपैयाँ प्रदान गरिएको छ ।