काठमाडौ, नेपाली कांग्रेसका सभापति शेरबहादुर देउवाले होली पर्वका अवसरमा सम्पूर्ण नेपालीलाई शुभकामना दिएका छन्।
उनले फागु पूर्णिमाका अवसरमा आज शुभकामना सन्देश जारी गरी होली पर्व एक धार्मिक र सांस्कृतिक पर्व भएको उल्लेख गरेका छन्।
अन्यायविरुद्ध न्यायको जितको सन्देश दिने यो पर्व नेपाली समाजले हरेक वर्ष पारिवारिक स्नेह, पारस्परिक एकता र सामाजिक सद्भावका साथ मनाउने गरेको बताएका छन्।
होली पर्व हरेक वर्ष फाल्गुण शुक्ल पूर्णिमाका दिन पहाडी तथा हिमाली जिल्लामा र त्यसको भोलिपल्ट तराई तथा भित्री मधेसका जिल्लाहरूमा हर्षोल्लासपूर्वक मनाउने गरिन्छ।
आज पहाडी तथा हिमाली जिल्लामा र भोलि तराईका जिल्लामा होली मनाइँदै छ।
होली पर्वले सबैका घरपरिवारमा सुख, शान्ति र समृद्धिको वातावरण सिर्जना गर्दै पारस्परिक एकता र सामाजिक सद्भाव अभिवृद्धि गर्न सबैलाई प्रेरित गर्न सकोस् भन्ने कामना गर्दै कांग्रेस सभापति देउवाले सबैमा शुभकामना व्यक्त गरेका छन्।
