२०८० फागुन ११ शुक्रवार | Friday, Feb 23 2024

पल शाहलाई १५ दिनभित्र उपस्थित गराउन पोखरा उच्च अदालतको आदेश

पोखरा, पोखरा उच्च अदालतले अभिनेता पल शाहलाई १५ दिनभित्र उपस्थित गराउन उच्च अदालतको आदेश दिएको छ ।

नाबालिगलाई बलात्कार गरेको अभियोगमा जिल्ला अदालत नवलपरासी पूर्वले पल शाहलाई साढे २ वर्ष कैद र पीडितलाई १० लाख रुपैयाँ क्षतिपूर्ति दिनुपर्ने फैसला गरेपछि उक्त फैसलाविरुद्ध जिल्ला सरकारी वकिल कार्यालय र पल शाह दुवै पक्षले उच्च अदालत पोखरामा पुनरावेदन गरेका थिए ।

सोमबार उच्च अदालत पोखराका कामु मुख्य न्यायाधीश डिल्लीराज आचार्य र न्यायाधीश ऋषि राजभण्डारीको संयुक्त इजलासले झगडिया झिकाउने आदेश दिएको पल शाहका कानुन व्यवसायी कमलामोहन वाग्लेले जानकारी दिए ।

शाहविरुद्धको बाल यौन दुराचारको मुद्दामा उच्च अदालत पोखराले दुवै पक्षलाई झिकाउने आदेश दिएको छ । आदेशसँगै अब पल शाह अब १५ दिनभित्र उच्च अदालत कास्कीमा उपस्थित हुनुपर्नेछ ।

यसअघि, जिल्ला अदालत नवलपरासी पूर्वले बलात्कार मुद्दामा सफाइ दिएर बाल यौन दूराचारको आरोपमा साढे २ वर्ष कैद र पीडितलाई १० लाख रुपैयाँ क्षतिपूर्ति दिनुपर्ने फैसला गरेपनि जिल्ला अदालत तनहुँले भने पल शाहलाई सफाइ दिएको थियो ।