एजेन्सी, अमेरिकी राष्ट्रपति पदका उमेदवार तथा पूर्वराष्ट्रपति डोनाल्ड ट्रम्पमाथि गोली प्रहार भएको छ ।
चुनावीसभालाई सम्वोधन गरिरहदा उनीमाथि गोली प्रहार भएको हो । पेन्सीलभानियाको बटलरमा ट्रम्प चुनावी सभालाई सम्वोधन गरिरहदा गोली चलेको हो ।
गोली प्रहारबाट ट्रम्प घाइते भएका छन् । उनलाई सुरक्षित स्थामा लगिएको छ । वीवीसीले सार्वजनिक गरेको भिडियो फुटेजमा लगातार गोली चलेको आवाज सुनिन्छ ।
उनको कान र अनुहारबाट रगत बगेको भिडियोमा देख्न सकिन्छ । घटनास्थलमा एकजनाको शव भेटिएको जनाइएको छ । सो शव सम्भावित आक्रमणकारीको हुन सक्ने अनुमान गरिएको छ ।
राष्ट्रपति जो बाइडेनलाई घटनाको बारेमा तत्कालै ब्रिफिङ गरिएको थियो । उनी त्यसबेला डेलाभरमा थिए ।
बाइडेनले अमेरिकामा यस खालको हिंसाका लागि कुनै स्थान नभएको बताउँदै यस्ता घटनाको निन्दा गर्न सम्पूर्ण देश एकताबद्ध हुनुपर्ने बताएका छन् ।
उनले एक वक्तव्य जारी गरी ट्रम्प सुरक्षित भएकोमा सेक्रेट सर्भिसको कामप्रति आभार समेत व्यक्त गरेका छन् ।
यस्तै, पूर्वसभामुख नान्सी पेलोसीले पनि घटनाको निन्दा गर्दै ट्रम्प सकुशल रहेकोमा भगवानलाई धन्यवाद भनेकी छन् ।
अमेरिकाका विभिन्न राजनीतिक नेताबाट घटनाको निन्दा गर्ने क्रम जारी छ ।
बेलायतका प्रधानमन्त्री किएर स्टार्मरले पनि सो घटनाबाट आफू स्तब्ध भएको बताउँदै घटनाको निन्दा गरेका छन् ।
