२०८१ जेठ ६ आइतवार | Sunday, May 19 2024

कांँग्रेसले बोलायो केन्द्रीय कार्यसम्पादन समितिको बैठक, मन्त्री र उपनिर्वाचन उम्मेदवार टुङ्ग्याउने

काठमाडौ, नेपाली कांग्रेसले केन्द्रीय कार्यसम्पादन समितिको बैठक बोलाएको हो । मुख्यसचिव कृष्णप्रसाद पौडेलका अनुसार बैठक मंगलबार बिहान ९ बजेका लागि पार्टी केन्द्रीय कार्यालय सानेपामा बोलाइएको हो ।

मंगलबारको कार्यसम्पादन समितिको बैठकले सरकारमा सहभागी हुने मन्त्री र आगामी उपनिर्वाचनका लागि उम्मेदवार छान्ने बताइएको छ ।

कांग्रेसले क–कसलाई मन्त्री बनाउनेबारे अहिलेसम्म टुंगो लगाइसकेको छैन । यसअघि बसेको कार्यसम्पादन समितिले सातै प्रदेशको प्रतिनिधित्व हुने गरी समावेशी सिद्धान्तलाई ध्यान दिँदै मन्त्री छान्ने मापदण्ड बनाएको थियो ।

यही मापदण्डका आधारमा सरकारमा पठाउने मन्त्रीबारे मंगलबारको कार्यसम्पादन समिति बैठकमा छलफल हुनेछ । कांग्रेसले सत्ता गठबन्धनका बैठकमा ८ मन्त्रालय दाबी गरेको छ । अर्थ, गृह, परराष्ट्र, रक्षालगायत महत्वपूर्ण मन्त्रालयमा कांग्रेसको दाबी छ ।

भोलिको कार्यसम्पादन समिति बैठकले तनहुँ–१, बारा–२ र चितवन–२ मा १० वैशाखमा हुने उपनिर्वाचनका लागि उम्मेदवार चयन गर्ने विषयमा पनि छलफल गर्नेछ ।