काठमाडौं, सत्तारुढ दल नेकपा एमालेको संसदीय दलको बैठक आज बस्दै छ । बैठक आज बिहान ११ बजे नयाँबानेश्वरस्थित संसद् भवनको ल्होत्से हलमा बस्न लागेको हो ।
एमालेले आजको बैठकमा समसामयिक राजनीतिका बारेमा छलफल गर्नुका साथै सांसदका काम कारबाहीको समीक्षा गर्ने जनाएको छ ।
यस्तै, संसदीय समितिहरूमा कसरी प्रस्तुत हुने तथा समितिमा रहेका विचाराधीन विधेयकको सन्दर्भमा समेत एमाले संसदीय दलले छलफल गर्दै छ ।
