काठमाण्डू, त्रिभुवन अन्तर्राष्ट्रिय विमानस्थलमा सोमबार बिहान अवतरणका क्रममा टर्किस एयरलाइन्सको विमानमा प्राविधिक समस्या देखिएपछि पाङ्ग्राबाट आगो निस्किएको छ ।
इस्तानबुलबाट काठमाडौँ आएको विमान रनवेमा अवतरण गर्ने क्रममा चिप्लिएजस्तो देखिएपछि पाङ्ग्राबाट धुवाँ र आगो देखिएको विमानस्थल स्रोतले जनाएको छ ।
घटनालगत्तै विमानस्थलको आपत्कालीन टोली सक्रिय भएर दमकलमार्फत आगो नियन्त्रणमा लिएको थियो ।
विमानमा रहेका सबै यात्रु र चालक दलका सदस्य सुरक्षित रहेको बताइएको छ । सुरक्षाको दृष्टिले इमर्जेन्सी ढोका प्रयोग गरी यात्रुहरूलाई बाहिर निकालिएको थियो ।
घटनापछि केही समय विमानस्थल क्षेत्रमा उच्च सतर्कता अपनाइएको थियो भने प्राविधिक टोलीले विमानको अवस्थाबारे थप जाँच शुरु गरेको जनाइएको छ ।
प्रारम्भिक रूपमा कुनै मानवीय क्षति नभएको पुष्टि गरिएको छ ।
