काठमाण्डू, नेपाली कांग्रेसले केन्द्रीय कार्यसम्पादन समितिको बैठक बोलाएको छ । आइतबार दिउँसो १ बजे केन्द्रीय पार्टी कार्यालय सानेपामा बैठक बोलाएको हो ।
बैठकमा समानुपातिक बन्दसूचीमा रहेका उम्मेदवारमध्ये दलले प्राप्त गरेको सीटको आधारमा प्रतिनिधिसभा सदस्य छनोट गरी निर्वाचन आयोगमा पेसगर्ने तयारी रहेको छ ।
बैठकमा भोलि नाम टुङ्गो लगाउने र आयोगमा पेश गर्ने प्रक्रिया सम्बन्धमा छलफल हुने जनाइएको छ ।
