काठमाण्डू, नेपाली कांग्रेसको केन्द्रीय कार्यसम्पादन समितिको बैठक आज बस्दैछ ।
बैठक दिउँसो २ बजे पार्टीको केन्द्रीय कार्यालय सानेपामा बस्ने गरी बोलाइएको कार्यवाहक मुख्यसचिव कृष्णप्रसाद दुलालले जानकारी दिए ।
बैठकमा समसामयिक राजनीतिक विषयमा छलफल हुने बताइएको भएपनि औपचारिक एजेन्डा सार्वजनिक गरिएको छैन ।
यसैबीच, नेपाली कांग्रेसले आजै प्रतिनिधि सभामा संसदीय दलको नेता चयनका लागि प्रक्रिया शुरु गर्ने जनाएको छ । उक्त विषयमा पनि बैठकमा छलफल हुने नेताहरूले बताएका छन् ।
त्यस्तै, पार्टीको १५औँ महाधिवेशनको तयारी, संगठन सुदृढीकरण तथा पार्टीभित्र देखिएका विवाद समाधानका विषयमा समेत बैठक केन्द्रित रहने जनाइएको छ ।
