एजेन्सी, भारतको महाराष्ट्रका उपमुख्यमन्त्री अजीत पवार सवार विमान दुर्घटनामा पर्दा विमानमा सवार सबैको निधन भएको छ ।
भारतीय सञ्चार माध्यमहरूका अनुसार बारामती विमानस्थलमा अवतरणका क्रममा विमान दुर्घटना भएको हो ।
विमानबाट पवार मुम्बईबाट बारामती जाँदै गरेको र बारामतीमा अवतरणका क्रममा विमान रनवेबाट चिप्लिएको हिन्दुस्तान टाइम्सले जनाएको छ ।
विमानमा पवारका साथै उनका पर्सनल असिस्टेन्ट, सुरक्षाकर्मी र विमान दलका सदस्य सबैको मृत्यु भएको बताइएको छ ।
