काठमाण्डू, फोटामा देखिएका जेष्ठ नागरिक काठमाण्डूस्थित नारायणहिटी राजदरबार सङ्ग्रहालय परिसरमा रहेको राष्ट्रिय परिचयपत्र बनाउने ठाउँमा अक्सिजन सिलिण्डर लिएरआएका छन् ।
राष्ट्रिय परिचयपत्र भएन भने वृद्धभत्ता पाइँदैन भनेर वडाध्यक्षले भनेपछि उनी परिचय पत्र बनाउन अक्सिजन सिलिण्डर लिएर अउन परेको हो ।
जुनसुकै सरकारी कामदेखि बैंक खाता खोल्न पनि सरकारले परिचय पत्र अनिवार्य गरेपछि अशक्त र जेष्ठ नागरिकले पाउनु दुःख पाउने गरेका छन् ।
बत्ती गयो भनेर कुरिबसेका उनी पालो र बत्तिको पर्खाइमा छन् । खै हाम्रो सरकारले के गरेको हो ? भन्दै नाम समेत बताउन नचाहने उनी श्वासप्रश्वासका कारण बोल्ने मुडमा थिएनन् ।
धेरै पटक नाम र ठेगाना सोध्ने कोशिस गरिएपनि उनले कुनै जवाफ दिएनन् ।
एकछिन पछि उनले भने, ‘मैले नाम थर भने तिमिहरुले मेरो परिचय पत्र बनाइदिने होइनौं भन्दै झोक्किए’ ।
छोराले आमा र बुवाको परिचय पत्र बनाउन लिएर आएका थिए ।
यस्तो दुः ख पाउने उनी मात्र होइन । दैनिक जसो राजदरबार सङ्ग्रहालय परिसरको राष्ट्रिय परिचयपत्र बनाउने ठाउँमा देखिन्छ ।
घण्टौँ लगाएर परिचयपत्रका लागि तस्बिर खिचाउन आउनेको सहजताका लागि स्थानीयस्तरमै ब्यावस्था गर्न आवश्यक छ ।
