काठमाण्डू, अविरल वर्षापछिको बाढी र पहिरोका कारण देशका ६ मुख्य राजमार्ग पूर्णरूपमा अवरुद्ध भएका छन्।
नेपाल प्रहरीले सोमबार बिहान सार्वजनिक गरेको अद्यावधिक विवरण अनुसार संखुवासभाको कोशी राजमार्ग, पाँचथरको मेची राजमार्ग, तमोर–कोरिडोर, नवलपरासी पूर्वको कालिगण्डकी करिडोर, रोल्पाको सहिद राजमार्ग, र रुकुम पश्चिमको भेरी करिडोर सडक अवरुद्ध छन्।
यससँगै पाँचवटा सडक खण्डहरू एकतर्फी रुपमा सञ्चालनमा रहेका छन्। प्रहरी र सम्बन्धित निकायद्वारा सडक सञ्चालन गर्ने प्रयास जारी छ।
