एजेन्सी, अमेरिका-इजरायल र इरानबीचको युद्ध २७औँ दिनमा प्रवेश गरेको छ। यो बीचमा इरानले भारत सहित पाँच देशलाइ ‘स्ट्रेट अफ हर्मुज’ बाट जहाज आवतजावतको अनुमति दिएको छ।
जसमा भारतसहित चीन, रूस, इराक र पाकिस्तान रहेका छन्। समाचार संस्था एएनआइले मुम्बईस्थित इरानी कन्सुलेटलाई उद्धृत गर्दै यो जानकारी दिएको हो।
कन्सुलेटका अनुसार, इरानका विदेशमन्त्री अब्बास अराघची ले ‘मित्र राष्ट्रहरू’लाई होर्मुज हुँदै आवतजावत गर्न छुट दिइएको बताएका छन्।
इरानले यसअघि पनि ‘होर्मुज’ पूर्ण रूपमा बन्द नभएको बताउँदै आएको छ।
यो मार्ग केवल इरानविरुद्ध रहेका देशहरूका लागि मात्र बन्द गरिएको हो। अन्य देशहरूलाई भने केही सर्तसहित आवतजावत गर्न अनुमति दिइँदै आएको छ।
यसअघि बुधबार राति इरानले हिन्द महासागर क्षेत्रमा अमेरिकी एफरए-१८ लडाकु विमान खसालेको दाबी गरेको थियो।
इरानको इस्लामिक रिभोलुसनरी गार्ड कोर्प्सका अनुसार, उक्त कारबाही देशको दक्षिणी तटीय क्षेत्र नजिक गरिएको हो।
तर, अमेरिकाले यो दाबी अस्वीकार गरेको छ। अमेरिकी सेनाको केन्द्रीय कमाण्ड (युनाइटेड स्टेट सेन्ट्रल कमान्ड) ले इरानले कुनै पनि अमेरिकी लडाकु विमान खसाल्न नसकेको बताएको छ।
सामाजिक सञ्जालमा भाइरल भएका भिडियोहरूमा भने इरानले अमेरिकाको एफ(१८ लडाकू विमान खसालेको दाबी गरिएको छ।
