काठमाण्डू, राष्ट्रिय प्रजातन्त्र पार्टी (राप्रपा)का नेता कमल थापाले बालेन्द्र शा(बालेन) नेतृत्वको सरकार निषेध, प्रतिशोध र पूर्वाग्रहको बाटोमा लागेको देखिएको बताएका छन्।
शनिबार एकाबिहानै पूर्वप्रधानमन्त्री केपी ओली र रमेश लेखकलाई प्रहरीले पक्राउ गरेपछि उनले यस्तो प्रतिक्रिया दिएका हुन्। वर्तमान समयमा द्वन्द्व र मुठभेड कसैको प्राथमिकता हुनु नहुने उनको भनाइ छ।
पूर्वगृह तथा उपप्रधानमन्त्री भइसकेका नेता थापाले सुशासन र समृद्धिका लागि कानूनी राज्यको पालना, आपसी मेलमिलाप र एकता नै पहिलो सर्त हुने बताएका छन्।
उनले सामाजिका सञ्जालमा लेखेका छन्– ‘सुशासन र आर्थिक समृद्धिको लक्ष्यसहित गठन भएको बालेन सरकार निषेध, प्रतिशोध र पूर्वाग्रहको बाटोमा लागेको देखिन्छ।
वर्तमान समयमा द्वन्द्व र मुठभेड कसैको प्राथमिकता हुनु हुँदैन। वास्तवमा, सुशासन र समृद्धिका लागि कानूनी राज्यको पालना, आपसी मेलमिलाप र एकता नै पहिलो सर्त हुन्।’
