काठमाण्डू, ऋषि धमला अध्यक्ष रहेको भृकुटीमण्डपमा स्टल संचालन गर्दै आएको रिपोर्टस क्लबले ६१ लाख ९१ हजार ३ सय ६४ रुपैयाँ तिर्न बाँकी रहेको छ ।
समाज कल्याण परिषद् अन्तर्गतको भृकुटीमण्डप व्यवस्थापन विभागले बक्यौता रहेकाको सूची तयार, म्याद तोकेर भुक्तानीका लागि पत्र पठाउने तयार गरेको छ ।
भाडामा दिएका विभिन्न संरचना र स्टलको बक्यौता रकम करिब ९ करोड पुगेको छ ।
विभागको पछिल्लो आर्थिक विवरण अनुसार २०८२ असार मसान्तसम्ममा विभिन्न संघ–संस्था र व्यक्तिबाट असुल गर्नुपर्ने कुल बक्यौता रकम ८ करोड ८५ लाख ७७ हजार ९ सय ५४ रुपैयाँ ९९ पैसा पुगेको छ ।
