एजेन्सी, पेरिस ओलम्पिकमा अमेरिका २७ स्वर्ण सहित शीर्ष स्थानमा छ ।
अमेरिका अहिलेसम्म ३५ रजत र ३२ कास्यसहित सबैभन्दा बढी ९४ पदकसहित अंक तालिकाको पहिलो भएको हो ।
चीन पदक संख्याका आधारमा दास्रोमा छ भने अष्ट्रेलिया तेस्रो स्थानमा छ । फ्रान्स चौँथोमा रहदा बेलायत पाँचौमा छ भने दक्षिण कोरिया छैटौं स्थानमा छ ।
जापानले सातौं स्थान बनाउँदा इटाली आठौं र नेदरल्याण्ड नवौंमा छ । जर्मनी भने टप टेनको अन्तिम १० औं स्थानमा छ ।
चीनले २५ स्वर्ण, २३ रजत र १७ कास्यसहित कुल ६५ पदक हात पारेको छ भने अष्ट्रेलियाले १८ स्वर्ण, १२ रजत र ११ कास्य पदकसहित कुल ४१ पदक जित्दै अहिलेसम्मको पदक तालिकामा तेस्रो स्थान हासिल गरेको हो ।
चौथो स्थानमा रहेको फ्रान्सले १३ स्वर्ण, १७ रजत र २१ कास्यसहित ५१ पदक जितेको छ भने पाँचौं स्थानमा बेलायतले १२ स्वर्ण, १७ रजत र २० कास्यसहित कुल ४९ पदक जितेको छ ।
पदक तालिकामा छैठौँ स्थानमा रहेको दक्षिण कोरियाले १२ स्वर्ण, ८ रजत र ७ कास्यसहित कुल २७ पदक जितेको छ भने जापान १२ स्वर्ण, ६ रजत र १३ कास्यसहित ३१ पदक जित्दै सातौँ स्थानमा रहन सफल भएको छ ।
आठौँ स्थानमा रहेको इटालीले ९ स्वर्ण, १० रजत र ८ कास्यसहित कुल २७ पदक जितेको छ भने नेदरल्यान्डसल ९ स्वर्ण, ५ रजत र ६ कास्यसहित कुल २० पदक जित्दै नवौँ स्थानमा रहेको छ ।
जर्मनी ८ स्वर्ण, ५ रजत र ५ कास्यसहित कुल १८ पदक जितेर शीर्ष १० मध्ये अन्तिम स्थानमा पर्न सफल भएको छ ।
जारी ओलम्पिकमा ३२ खेलमा ३ सय २९ पदकका लागि २ सय ६ देशका १० हजार ७ सय १४ खेलाडी मैदानमा उत्रिएका छन्।
बुधबारसम्म सहभागी २ सय ६ मध्ये ५३ देशले कम्तिमा १ स्वर्ण पदक जितेका छन् भने ८० देशले पदकको खाता खोलेका छन्।
खेलको समापन आगामी आइतबार हुनेछ।
