काठमाण्डू, नेपाली कांग्रेसको केन्द्रीय समितिको बैठकमा विभिन्न ११ वटा एजेण्डामा छलफल हुने भएको छ ।
हिजो सुरु बैठकले छलफलका लागि संगठन सुदृढीकरण र राष्ट्रिय राजनीतिका विभिन्न एजेण्डा तय गरेको हो ।
समितिको पहिलो बैठकले महासमिति बैठकबाट पारित प्रस्तावहरू, राष्ट्रिय सहमतिको सरकार गठनका सम्बन्धमा भएको सहमति, सय दिने सांगठनिक अभियान, अनुशासनको कारबाहीका लागि भएका सिफारिस सम्बन्धमा र पार्टीका विभिन्न तहमा रिक्त स्थानका पदपूर्ति सम्बन्धीका एजेन्डाहरू अघि सारेको छ ।
यिनै एजेन्डामा आजदेखि छलफल हुने प्रवक्ता डा। प्रकाशशरण महतले जानकारी दिए ।
यसैगरी भ्रातृ संघ तथा शुभेच्छुक संस्था र निर्देशक समितिलगायत कार्यसम्पादनका निर्णय सम्बन्धमा, क्रियाशील सदस्यता वितरण प्रक्रिया सम्बन्धमा, जनसम्पर्क समिति सम्बन्धमा, नियमावली संशोधन प्रस्ताव सम्बन्धमा, नेपाली कांग्रेस ‘जनप्रतिनिधि कार्यसम्पादन निर्देशिका– ८१’ सम्बन्धमा र समसामयिक राजनीति र अन्य विविध विषयमा छलफल गर्नेगरी एजेन्डा बनाइएको छ ।
बैठकले बंगलादेशमा भएको राजनीतिक घटनाक्रमका सम्बन्धमा पार्टीको धारणा सार्वजनिक गर्ने महतले बताए ।
