काठमाण्डू, नेपाली कांग्रेसको पदाधिकारीको बैठक बसीरहेको छ । सभापति शेरबहादुर देउवाको निवास बुढानिलकण्ठमा जारी बैठकमा पूर्वपदाधिकारी समेत सहभागी छन् ।
बैठकमा आसन्न केन्द्रीय समितिको एजेण्डा, कोशी प्रदेशमा पार्टीका तर्फबाट सरकारमा पठाउने मन्त्रीको नामका विषयमा छलफल भइरहेको सभापतिको सचिवालयले जनाएको छ ।
कांग्रेसले साउन २३ गते केन्द्रीय समितिको बैठक बोलाएको छ । बैठकको तयारीका विषयमा छलफल गर्न कांग्रेसले बैठक बोलाएको हो ।
कांग्रेसले मन्त्रीको नाम पठाउन नसक्दा कोशी सरकारले पूर्णता पाउन सकेको छैन । मन्त्रीका लागि आकांक्षी धेरै भएपछि मन्त्री छान्ने जिम्मा पार्टी नेतृत्वलाई दिइएको छ ।
कोशीमा कांग्रेसले ४ मन्त्रालय पाएको छ । पूर्वमहामन्त्री कृष्णप्रसाद सिटौला र नेता शेखर कोइराला समूहले मन्त्रीका लागि दवाव बढाएसँगै सभापतिले एक – एक वटा मन्त्रालय संस्थापन इतर समूहलाई दिने तयारी गरेका छन् ।
