काठमाण्डू, सरकारले १८ देशका लागि राजदूत सिफारिस गरेको छ । सोमबार बसेको मन्त्रिपरिषद् बैठकले १८ देशका लागि राजदूत नियुक्ति सिफारिसको निर्णय गरेको हो ।
भारतका लागि नेपाली राजदूतमा डा. शंकर शर्माले पुनः निरन्तरता पाएका छन् । यस्तै, पूर्वमुख्यसचिव लोकदर्शन रेग्मी र पूर्वसचिव चन्द्र घिमिरेलगायत पनि राजदूतमा सिफारिस भएका छन् ।
मन्त्रिपरिषद् बैठकले चीन, रुस, अस्ट्रेलियालगायतका देशका राजदूत फिर्ता बोलाउने निर्णय पनि गरेको छ ।
आजै बसेको मन्त्रिपरिषद बैठकले तीन प्रदेशका प्रदेश प्रमुख हटाएर नयाँ नियुक्त गरेको छ ।
बागमती, लुम्बिनी र कर्णालीका प्रदेश प्रमुखलाई हटाएर नयाँ प्रदेश प्रमुख नियुक्त गरिएको हो ।
मन्त्रिपरिषद बैठकले बागमतीमा दीपकप्रकाश देवकोटा, लुम्बिनीका कृष्णबहादुर घर्तीमगर र कर्णालीमा यज्ञराज जोशीलाई प्रदेश प्रमुखमा नियुक्त गर्ने निर्णय गरेको हो ।
राजदूतको सिफारिस सूची
भारत– शंकर शर्मा
अमेरिका– लोकदर्शन रेग्मी
चीन– कृष्णप्रसाद ओली
बेलायत– चन्द्रप्रसाद घिमिरे
जर्मनी– शैल रुपाखेती
साउदी अरब– नरेशविक्रम ढकाल
इजरायल– धनप्रसाद पण्डित
दक्षिण अफ्रिका– कपिलमान श्रेष्ठ
दक्षिण कोरिया– शिवमाया तुम्बाहाङ्फे
पोर्चुगल– प्रकाशमणि पौडेल
पाकिस्तान– रिता धिताल
अस्ट्रेलिया– कान्ता रिजाल
स्पेन– सनिल नेपाल
मलेसिया– नेत्रप्रसाद तिमिल्सिना
श्रीलंका– रामकृष्ण भट्टराई
