काठमाडौं, सोसाईटी अफ ट्राभल एण्ड टूर अपरेर्टस ( सोट्टो ) नेपालको १६ औं बार्षिक साधारणसभा सम्पन्न भएको छ ।
भक्तपुरको गाम्चा स्थित दरवार रिसोर्टमा भएको साधारणसभाले महासचिव र कोषाध्यक्षको प्रतिवेदन सर्वसम्मत पारित गरेको थियो ।
सोट्टोका अध्यक्ष भुवनबहादुर पाण्डेले दीप प्रज्वलन गरेर उदघाटन गरेको कार्यक्रममा वरिस्ठ उपाध्यक्ष मानबहादुर शाही स्वागत मन्तब्य राखेका थिए ।
अध्यक्ष पाण्डेले ब्यावसायिक हकहित र पर्यटन प्रर्वधन गर्न संस्था सदैव तयार रहेको बताए । उनले पर्यटन ब्यावसायीसँगको समबन्ध मजबुत गराउँदै स्थापना कालमा देखिएका समस्या समाधान भएर गएको बताए ।
ब्यावसायमा देखिएको अस्वस्थ प्रतिस्पर्धा, सरकारले लिने धरौटी रकममा गरेको अस्वाभाविक बुद्दि र टिकटमा लगाएको मूल्य अभिबृद्दि करले समस्या परेको अध्यक्ष पाण्डेको भनाइ थियो ।
उनले यस्ता समस्या समाधानका लागि सस्था क्रियाशील भएको जिकिर गरे । सरकारी वायु सेवालाई कम्पनी मोडलमा जानु पर्नेमा जोड दिंदै अध्यक्ष पाण्डेले लुम्बिनी र पोखरा बिमानस्थल तत्काल सञ्चालनको माग पनि गरे ।
सोट्टो नेपाल मधेश प्रदेश अध्यक्ष वीरेन्द्र शाहले जनकपुर पनि पर्यटन प्रवर्दन गर्न आग्रह गरे । उनले नेपालको भौगोलिक अवस्थाका कारण हिमाल, पहाड र तराई सबै स्थानलाई समेटेर जानु पर्ने बताए ।
धार्मिक पर्यटनका रुपमा प्रचार गर्न पर्यटन बोर्डले बेवास्था गरेको उनको भनाइ थियो ।
सोट्टो नेपाल लुम्बिनीका निर्बतमान अध्यक्ष सन्जय बजिमय प्रदेशका मुद्धा पनि सम्बोधन गर्न जरुरी आग्रह गरे ।
उनले टिकटमा लयाएको भ्याट खारेज गरेर इ भिषा जारी गर्न माग गरे । उनले भारतीय पर्यटकले बोक्न पाउने रकममा बृद्दि गर्न पर्ने भन्दै चाइना र भारत सित हवाइ र सडक यातायातले जोडनु पर्ने जनाए ।
अहिले नेपाल आउने हवाइ भाडा पनि चर्को रहेकोले घटाउनु पर्नेमा जोड दिए । सोट्टो नेपाल लुम्बिनीका अध्यक्ष श्रीचन्द्र गुप्ताले पर्यटकको भिषा अवधि कम भएको भन्दै बढाउन माग गरे ।
उनले लम्बिनी र अयोध्या जोडेर प्याकेज बनाउन सकेमा भारतीय पर्यटकको संख्यामा बृद्दि हुने बताए ।
महासचिव दिनेश बस्नेतले महासचिवको प्रतिबेदन प्रस्तृत गर्दै टिकटमा लगाएको भ्याट हटाउनका लागि पहल भइरहेको जानकारी गराए ।
महासचिव बस्नेतले भ्याटले सबै ब्यावसायी मर्कामा परेको भन्दै पुनर बिचार गर्न रिकारको ध्यानाकर्षण गराए ।
लुम्बिनी र पोखरा बिमानस्थल सञ्चालनमा आउन नसक्दा राज्लाई ठूलो आर्थिक भार परेकोले तत्काल सञ्चालन हुन सके त्रिभुवन बिमानस्थलको चाप घट्ने महासचिव बस्नेतले बताए ।
उनले त्रिभृवन बिमानस्थलको एयर चाप कम गर्दै बौद्दमार्गी पर्यटकहरु भगवान बुद्दको जन्मस्थल लम्बिनी र सुन्दर तालहरुको नगरी पोखरामा सिधा उडानमार्फत जोडन सके पर्यटकबाट प्रत्यक्ष लाभ लिन सकिने प्रतिबेदनमा उल्लेख गरेका छन् ।
सोट्टो नेपाल प्रादेशिक संरचनामा गएकोले नयाँ पर्यटकीय स्थानको छनौटमा प्रदेशलाई पनि समेटने जनाए ।
पर्यटनका गतिबिधि बढाउन संस्थाले आगामी दिनमा खेलकुदका कार्यक्रम सहित नेपाल टेलिभिजनमा पर्यटन सम्बन्धी कार्यक्रम चलाउने तयारी सोट्टो नेपालको छ ।
आगामी कार्यक्रममा सदस्यता बिस्तार गर्दै संस्थालाई अझ बलियो र संगठित बनाउने महासचिवको प्रतिबेदनमा उल्लेख छ । साधारणसभामा कमलबहादुर मगरले कोषाध्यक्षको प्रतिबेदन प्रस्तुत गरेका थिए ।
साधारणसभा कै अबसर पारेर मधेश प्रदेश अध्यक्ष बीरेन्द्र शाह, लुम्बिनी अध्यक्ष श्रीचन्द्र गुप्ता, पर्यटन बोर्डका पूर्वबोर्ड सदस्य घनेन्द्र श्रेष्ठ, माउण्टेन एसोसिएसनका कार्यबाहाकअध्यक्ष ठाकुरराज पाण्डे, टूर गाईड एसोसिएसनका अध्यक्ष थानेश्वर देृवकोटा र संस्थाका कानूनी सल्लाहकार सरस्वती श्रेष्ठलाई मायाको चिनो प्रदान गरिएको थियो ।
साधारणसभाको समापन पछि पारिवारिक बनभोज कार्यक्रमको पनि आयोजना गरिएको थियो ।
