२०८० फागुन १० बिहीवार | Thursday, Feb 22 2024

बैतडीका ५ वटा विद्यालयमा कान्छीमाया तामाङ फाउन्डेसनले वितरण गर्यो न्यानो लुगा

बैतडीै, कान्छीमाया तामाङ फाउन्डेसनले देशका बिभिन्न जिल्लामा न्यानो लुगा वितरण गरिरहेको छ । दातृ निकायको साजेदारीमा बृद्धबृद्धा र बालबालिकाहरुलाई न्यानो लुगा वितरण गरिरहेको हो ।

फोटो खोल्नुहोस्

बैतडीका ५ वटा विद्यालयमा कान्छीमाया तामाङ फाउन्डेसन नेपालले न्यानो लुगा वितरण गरेको छ ।

फोटो खोल्नुहोस्

‘ज्येष्ठ नागरिकहरुलाई सम्मान, विद्यार्थीहरुलाई प्रोत्साहन’ भन्ने अभियानका साथ बोधीसत्तो बिहारको आर्थिक सहयोग र कान्छीमाया तामाङ फाउन्डेसनको सहकार्यमा न्यानो लुगा वितरण गरिएको हो ।

फोटो खोल्नुहोस्

बैतडीको सिगास गाउँपालिकाका–१ स्थित भुमिराज स्वामी आधारभूत विद्यालय, वडा नं २ को कैलपाल आधारभूत विद्यालय, पाटन नगरपालिका–१० को सरस्वती मावि र ब्रहम आधारभूत विद्यालय तथा सुर्नया गाउँपालिका–३को बाशुदेव आधारभूत विद्यालयमा अध्यायनरत बालबालिका र सेवा क्षेत्रभित्रका ज्येष्ठ नागरिकहरुलाई न्यानो लुगा स्वीटर र ज्याकेट वितरण गरिएको हो ।

फोटो खोल्नुहोस्

बैतडीमा ३७४ बालबालिका र १८६ ज्येष्ठ नागरिकहरुलाई ज्योकट तथा स्वीटर वितरण गरिएको हो । चिसो मौसममा न्यानो लुगा पाउदा बालबालिका र बृद्धबृद्धा खुसी भएका छन् ।

फोटो खोल्नुहोस्

फाउन्डेसनले दलित, असहाय, गरिब जेहेन्दार तथा अनाथ बालबालिकाहरुलाई पढाउने काम पनि गरिरहेको छ ।

यसैगरी ग्रामिण क्षेत्रमा स्वास्थ्य शिविरको आयोजना पनि गर्दै आएको छ । यस वर्षको हिउँदमा बैतडी सहितबिभिन्न जिल्लामा न्यानो लुगा वितरण गरिएको छ । फाउण्डेशनका अध्यक्ष डा.दीलबहादुर तामाङले बताए ।

फोटो खोल्नुहोस्

काभ्रेबाट सुरु गरिएका न्यानो लुगा वितरण कार्यक्रम हुम्ला, रामेछाप, सर्लाही लगायतका क्षेत्रमा गरिसकिएको थियो ।

२०७२ सालको भुकम्पमा पनि सरकारलाई १२ लाख आर्थिक सहयोग गरेको फाउन्डेसनले कोरोनाकालमा पनि देशका विभिन्न ठाउँमा स्वास्थ्य चेकजाच कार्यक्रम र स्वास्थ्य शिविरको आयोजना गरेको थियो ।

फोटो खोल्नुहोस्

यसैगरी गत कार्तिकमा जाजरकोट केन्द्रबिन्दु भएर गएको भुकम्पमा परी प्रभावित नागरिकहरुलाई पनि राहातका कार्यक्रम गर्दै आएको संस्थापक डा. तामाङले बताए ।

डा. तामाङ एमबिबिएस अध्यायनका क्रममा सडक दुर्घटनामा परी आमा कान्छीमाया तामाङको निधन भएपछि, डा. तामाङले उनको नामबाट फाउन्डेसन स्थापना गर्दै समाजिक परोपकारको काम गर्दै आएका छन् ।

करिब ११० जनालाई यस फाउन्डेसनले अध्यायन गराइरहेको छ । यसैगरी नि:शुल्क स्वास्थ्य उपचारको लागि भन्दै अस्पताल निर्माण गरिरहेको छ ।

केही स्थानीय तहहरुलाई एम्बुलेन्स पनि उपलब्ध गराइसकेको छ ।