२०८१ जेठ ६ आइतवार | Sunday, May 19 2024

सरकारको मुख्य प्राथमिकता सुशासन र विकास हो : प्रधानमन्त्री दाहाल

काठमाडौ, प्रधानमन्त्री पुष्पकमल दाहालले वर्तमान सरकारको मुख्य प्राथमिकता सुशासन र विकास भएको बताएका छन् ।

बालुवाटारमा आज विकास हाइड्रोको विद्युतीय माध्यमबाट उद्घाटन गर्दै उनले यस्तो बताए ।

उनले भने, ‘हामी सुशासन, सामाजिक न्याय र विकासका काममा केन्द्रित भएर लाग्ने छौँ ।’ उनले गोरखा जिल्लाको हाइड्रोको उद्घाटन विकासको सुरुवात भएको उल्लेख गर्दै स्थानीयलाई रोजगारको प्रत्याभूति गएको बताए ।

प्रधानमन्त्रीले विगतका दिनहरूमा राजनीतिक स्थिरता कायम गर्ने कुरा चुनौतीपूर्ण हुने गरेको बताउँदै यस पटक स्थायित्व दिनेमा आफूहरूको विश्वास रहेको बताए ।

उनले भने, ‘यो वर्ष चुनावी वर्षका रूपमा बित्यो । वैशाखदेखि स्थानीय तहको निर्वाचन त्यसपछि प्रदेश र संघको निर्वाचन र अब राष्ट्रपति र उपराष्ट्रपतिको निर्वाचन सकिएपछि निर्वाचन प्रक्रिया पाँच वर्षका लागि सकिएको हुन्छ ।

यसले संविधान कार्यान्वयन प्रक्रिया र विकास निर्माणलाई गति दिनका लागि एउटा नयाँ आधार तयार भएको छ । मैले गोरखाको जनप्रतिनिधिको हैसियतले तपाईंहरुलाई विशेष धन्यवाद दिन्छु ।

गोरखाबाटै विकासका लागि यस हाइड्रोको उद्घाटन गर्ने अवसर जुटाइदिनुभयो । यसको सफलता र आगामी दिनमा कम्पनीले अन्य आयोजनाहरू पनि अगाडि बढाउने विश्वास दिलाउन चाहन्छु ।’