एजेन्सी, अमेरिकी राष्ट्रपति जो बाइडेनलाई कोभिड–१९ संक्रमण पुष्टि भएको छ ।
संक्रमण पुष्टि भएपछि बाइडेन अहिले आराम गरिरहेका छन् । राष्ट्रपति बाइडेनलाई उपचारपछि निजी निवासमा आइसोलेट गराइएको ह्वाइटहाउसले जनाएको छ ।
नाकबाट पानी बग्ने र खोकी लाग्नेलगायत श्वासप्रश्वाससम्बन्धी लक्षण देखिएका छन् ।
यसअघि पनि बाइडेन दुई पटक संक्रमित भइसकेका छन् । बुधबार लास भेगासको चुनावी सभामा भाग लिएपछि बाइडेनमा कोभिडका लक्षणहरु देखिएका थिए ।
८१ वर्षीय बाइडेनमाथि उमेद्वार नबन्न चर्को दबाब परिरहेका बेला उनी कोभिड संक्रमित भएका छन् । चुनावी सभामा व्यस्त रहनुपर्ने समयमा कोभिडका कारण बाइडेन कोठा भित्र बस्नु पर्ने भएको छ ।
