हेटौँडा, हेटौँडामा रहेको नेपाल विद्युत् प्राधिकरणको गोदाम घरमा गए राति आगलागीहुँदा करौडौंको सामान जलेर नष्ट भएको छ।
हेटौँडा उपमहानगरपालिका वडा नम्बर ५ भैरवरोडमा रहेको नेपाल विद्युत् प्राधिकरणको केन्द्रीय गोदाममा गएराति आगलागी भएको हो।
गोदामघरमा लागेको आगो प्रहरी, सशस्त्र प्रहरी, स्थानीय र हेटौँडा उपमहानगरको दमकलले करिब २ घण्टापछि निभाएको थियो।
गोदाममा करेन्ट सर्ट भएर आगलागी भएको हुन सक्ने प्रहरीको अनुमान छ ।
आगलागीबाट प्राधिकरणका धेरै सामान जलेर नष्ट भएको प्राधिकरणले जनाएको हो। घटनाबारे अनुसन्धान भइरहेको छ।
