२०८१ जेठ ६ आइतवार | Sunday, May 19 2024

माओवादी धाराका पार्टीहरूको बैठक बालुवाटारमा बस्दै

काठमाडौ, १० वर्षे सशस्त्र जनयुद्धमा सँगै सहभागी भएका विभिन्न माओवादी धाराका पार्टीहरूको बैठक बस्दै छ। मंगलबार प्रधानमन्त्रीको सरकारी निवास बालुवाटारमा बैठक बस्न लागेको हो।

प्रधानमन्त्री समेत रहेका नेकपा माओवादी केन्द्रका अध्यक्ष पुष्पकमल दाहालको सचिवालयका अनुसार बिहान साढे ८ बजेका लागि बैठक तय भएको छ।

यसअघि फागुन २१ मा माओवादी घटकका नेताहरु दाहाल, बाबुराम भट्टराई, नेत्रविक्रम चन्द लगायत एउटै मञ्चमा देखिएका थिए।

सहिद तथा वेपता योद्धा सन्तति फाउन्डेसनले आयोजना गरेको सो कार्यक्रममा नेताहरूले माओवादी घटकहरू मिल्नुको विकल्प नभएको बताएका थिए।