काठमाण्ण्डू, अघिल्ला केही दिनसम्म उच्च गिरावट देखिएको सेयर बजार आज सोमबार भने १२७.३२ अंक बढेको छ ।
आजको वृद्धिसँगै नेप्से २८२३.२५ अंकमा कायम भएको छ । आज कारोबार रकम पनि बढेको छ ।
आज १३ अर्ब १० करोडको कारोबार भएको हो । पछिल्ला दिनहरूमा निरन्तरजसो ओरालो लागिरहेको नेप्से, आज भने उच्च अंक बढेर बन्द भएको हो ।
त्यस्तै, आज सेन्सेटिभ इण्डेक्स २२.९४ अंक बढेको छ भने फ्लोट इण्डेक्स ९.०२ अंक र सेन्सेटिभ फ्लोट इण्डेक्स ८.१८ अंक बढेको छ ।
बजारमा आज ३३५ स्टकको १ लाख ६० हजार ५७९ पटकको कारोबारमा १३ अर्ब १० करोड ४६ लाख रुपैयाँ बराबरको ३ करोड १४ लाख ३० हजार कित्ता शेयर खरिदबिक्री भएको हो ।
आज करिब १ दर्जन स्टकको सेयर सकारात्मक सर्किट लेभलमा कारोबार भएको छ ।
सोमवार दिन नेशनल हाइड्रोपावर, बेष्ट फाइनान्स, समृद्धि फाइनान्स, प्रोग्रेशिभ फाइनान्स, एनएलजी इन्स्योरेन्स, रिलायन्स फाइनान्स, सुपरमाई हाइड्रोपावर, दोल्टी पावर लगायतका स्टकहरूको सेयर सकारात्मक सर्किट लेभलमा कारोबार भएको हो ।
